مثال عن الجامعة اول جامعه كانت للرجال قسم روحهم .. كشخه كنت مااهتم وااايد يعني عادي اي بشعري وو اكون طالع من الكراج او السوق كندورتي شوي هاااه مجسفة وخايسة آيل و مره شعري ناقز شو بلاه حالف ما يرقد.. ونعالي خايس رمل يعني عااادية الامور محد يهتم .. حتى في الامتحانات الغش عادي و الرقاد في الكلاس و السوالف بحرية كاملة في الكلاس تقدر تجلس اي مكان على راحتك و تسولف مع المدرس على كيفك ..واحيانا نيب اكل من برع كيما و براتا و ناكل مع بعض عااادي الامور طيبة .
اما في الجامعات المختلطة يوم درست ...احس غير يعني الواحد منا لازم يكشخ .. اول يكون مقبول واايد و عطر حتى السوالف في الكلاس ما نقدر نسولف على راحتنا .. وفي الامتحانات ما نقدر نغش البنات يخبرون علينا ... وما يغششونا بعد ... حتى الاماكن مب على كيفنا نيلس و مره رقدت في الكلاس . فضيحة كل حد يتم يطالعك .. فشلة ...ولو يبن اكل من برع مب حلوة نعزم البنات و بعد مب حلوة ناكل جدامهم ... و خصوصا في البرنتيشن .. الصياح من البنات ما يوقف و ايام النتائج شو الدموع اربع اربع من البنات ,, بس في رمضان البنات كشخه كل يوم اييبون أكل و لقيمات روووعه
و احسن شي بعد ان الاساد يوم البنات يقولون له اجل الامتحان على طول يوافق ...
بس الشي الزين يو م اتدش الكلاس تقول داش اجمل او باريس جالاري دخون و عطور و تقدر تنقل الاسايمنت من البنات الشطار .. و بعد انا يوم انسي قلامة ام مسطرة او آلة حاسبة البنات يعطونا عادي اما الشباب ما عندهم ولا شي ....
و الحين دوركم عطونا رايكم ... شو ايجابيات و سلبيات الاختلاط عدنا في الامارات ... و لاحد يعصب الموضوع خفيف للمناقشة وللمواقف الطريفه و الامثلة ... الواقعية